Queremos Galego

Este pasado finde estiven por Santiago e non de carallada, que tamén, senón de manifestación, protestando contra as políticas fachas e en contra do país que o goberno do señor Feijóo leva impoñéndonos dende que gañou as eleccións alá por principios de marzo, pero sobre todo, apoiando o uso do galego como lingua da nosa nazón.

A verdade é que paseimo en grande, por non poñer un taco, e quedei moi satisfeito de ter ido pois o ambiente era realmente impresionante; máis de 50.000 personas con ganas de berrar armamos moito ruído, pódovolo asegurar.

Por sorte, polo menos para mín, a camiñada empezou cuns 20 minutos de retraso, e tiven tempo para facerme cunha camiseta e uns pins que regalaban os diferentes sindicatos participantes na manifestación e que se son sincero me facía ilusión ter, vamos, o luns xa aparecín coa camiseta posta... pero mellor volvo ó que estaba contando.
Resultou que eu e o meu amigo D. que a todo isto non iba só, tivemos a gran idea de "acoplarnos" no grupo dos manifestantes máis animados, por non dicir outra cousa, e practicamente detrás da pancarta que levábamos recorrimos o camiño dende a alameda ata a Quintana onde se lía o manifesto, iso si, dando unha chea de voltas, que camiñar camiñamos un bo anaco.
Resumindo, que como xa vos fun contando desfrutei moitísimo e sobre todo sentinme orgulloso de ser galego e da miña lingua, que era o máis importante.
Ogallá sirva para algo...
Déixovos unhas das frases da manifestación e unhas fotos.

"Aquí está, aquí se ve, a mozidade galega en pé!"

"Galegos somos, galegos seremos, por españois nuna pasaremos!"

"Sempre en Galiza, sempre en galego"